ກິລາລອຍນໍ້າ, ຍິງປືນ ໃນຊຽງຂວາງເກມຈະຈັດແຂ່ງຂັນ ຢູ່ນະຄອນຫຼວງວຽງຈັນ

ກິລາລອຍນໍ້າ ແລະ ຍິງປືນ ໃນງານ​ມະ​ຫະ​ກຳ​ກິລາ​ແຫ່ງຊາດ ຄັ້ງ​ທີ XI ຫຼື ຊຽງ​ຂວາງເກມ ລະຫວ່າງ ​ວັນ​ທີ 22 ມີນາ ຫາ 1 ເມສາ 2020, ຈະໄດ້ມາຈັດ­ການ​ແຂ່ງ­ຂັນຢູ່ນະຄອນຫຼວງວຽງຈັນ, ເນື່ອງຈາກສະໜາມແຂ່ງຂັນສອງປະເພດດັ່ງກ່າວຢູ່ແຂວງຊຽງຂວາງບໍ່ໄດ້ມາດຕະຖານ.

ຕາມການລາຍງານຂອງວິຊາການສະຫະພັນລອຍນໍ້າແຫ່ງຊາດລາວ ແລະ ສະ­ຫະ­ພັນ​ຍິງ​ປືນ​ແຫ່ງ​ຊາດລາວ ໃນນາມຜູ້ຮ່ວມຈັດການແຂ່ງຂັນໄດ້ແຈ້ງໃຫ້ຮູ້ວ່າ: ການແຂ່ງຂັນກິລາລອຍນໍ້າໃນງານກິລາແຫ່ງຊາດຄັ້ງນີ້ ມີຫຼາຍແຂວງໄດ້ແຈ້ງເຈດຈຳນົງເຂົ້າຮ່ວມຄື: ນະຄອນຫຼວງວຽງຈັນ, ແຂວງຊຽງຂວາງ, ສະຫວັນນະເຂດ, ຈຳປາສັກ, ຫຼວງພະບາງ ແລະ ແຂວງວຽງຈັນ ເຊິ່ງຈະເລີ່ມແຂ່ງຂັນໃນວັນທີ 02-05 ມີນາ 2020 ທີ່ສະລອຍນໍ້າເຂດສະໜາມກິລາແຫ່ງຊາດ ຫຼັກ 16 ນະຄອນຫຼວງວຽງຈັນ.

 

ສ່ວນການ​ແຂ່ງ­ຂັນ​ກິ­ລາ​ຍິງ​ປືນ​ໃນ ​ຊຽງ​ຂວາງ​ເກມ ຄາດ​ວ່າ​ມີ​ບໍ່​ຕ່ຳ​ກວ່າ 5 ພາກ­ສ່ວນ​ທີ່​ສົ່ງ​ນັກ­ກີ­ລາ​ເຂົ້າ​ຮ່ວມ​ຊີງ​ ໄຊ. ໃນ​ນີ້, ​ປະ­ເພດ​ປືນ​ເປົ້າ​ເລື່ອນຈະແຂ່ງ­ຂັນ​ຢູ່​ສະ­ໜາມ​ກີິລາ​ຍິງ​ປືນ​ແຫ່ງ​ ຊາດ (ຫຼັກ16), ສ່ວນ​ປະ­ເພດ​ປືນ​ອັດ​ລົມ​ຍາວ, ປືນ​ອັດ​ລົມ​ສັ້ນ ແລະ ປືນ​ສັ້ນ​ມາດ­ຕະ­ຖານຈະ​ແຂ່ງ​ຂັນ​ຢູ່​ສະໜາມ​ຍິງ​ປືນ 5 ເມ­ສາ ເລີ່ມ​ແຕ່​ວັນ​ທີ 08-17 ມີ­ນາ 2020 ໃນ​ນີ້​ຈະ​ມີ​ການ​ຊີງ​ໄຊ 32 ຫຼຽນ​ຄຳ.